jeudi 25 décembre 2008
Requiem for a dream...the dream of 974
Par david techer, jeudi 25 décembre 2008 à 00:50 :: Général
Grand matin moin la profit' té fé soleil déor pou allé prend' un ti kafé dan ti bar en bas l'appart. Té pa loin 10h00 kan moin la débout'...
Té fé un bon ti soleil déhors...Dan bar moin la profit' que le patron té prend kafé pou cauz un pé som li...Le boug té gallair. Té la po di a mon comm sa ké li navé 2 3 client nana z"appart la Réinion...Moin té po di a li comma ké la ba cé pa lo mêm mentalité kissi...Li la di a moin komma'..."A partir du moment que l'on se sent bien on est bien partout..."...Et li la raison...
L'apès-midi moin la appel' un coup mon famill lot coté l'océan pou souhaite à  zot un zoyé noel!!! Moin la cauz ensemb mon ti frèr ek mon viell'...Après moin la rapp'lé pou caus' un ti moment ensemb' li...Té trouv' pa tro z'affair pou di...Ou conné comment le daron i lé...moin la zist' démandé si lo band' poul ek' lo band canar té allé bien...La di a moin oui...la fé a moin plaisir cauz un pé ek' li......Moin la laiss' a li après...Li la di a moin kom sa k" a soir zot i manz' un ti grillad' poul'...Moin té bien content...
Ver les 6H00 un kamarad' la pass' l'appart..histoire prend' un pé mon band' nouvel...Nou la bi un ti ji z'orange, fim' un z'affair après li la rent' chez li...
Moin la appel' aussi mon kamarad' Lido si Montpellier, histoire souhaite alli ausi un zoyé Noel....
Ou va esciz' lo ga..rescap' mi écri mal' mais moin lé pa l'air som' sa ou voit...Noel cette année lé vraimet bizarr...De tout' façon i voi bien ké cé la kriz' partou...Mai n'empêch' ké a soir cé lo soir Noël...Mon band' famill' lé loin mais bon mi préfère savori ké zot' lé bien et ké tout lé mon lé héré...I rest' un chié z"affari pou fé avan' ké moin la fini ensemb' mon band' z'histoir...Mi gard' couraze dan lo fon mon ker...A l'heur ou mi écri billé la, lé dézà  1H00 matin...Mon ti l'ile la Réinion i mank' a moin mai mi grad' espoir'...Ici au moin nana 2 3 moun' i donne a moin couzare depui lo temps mi lé en France...I fé plaizir rencont' do moun ki don' a ou couraz', ki pouss' a ou pou réissir dan la vie...Même dan' mon travail nana 2 3 jaloux, zot' y é rire à  moin...Au moin kan ou galère, ou va au moin kossa lo moun' i pens' vraimen dou....La inquièt' pu...tousa 2 3 la di comm' i di la pa tomb' dan le zorein d'1 sourd'...Comm' mon momam i di "Laiss' a zot êtr' zaloux..."...Elle la rézon...Lo pli z'importan' cé avancé dans la vie...En tout ka mi espèr' que la kriz' va pa tro fout' le bordel à  la Réunion...Moin mon coté moin nan mon band' z'affair' pou moin fé, lo rest' nawar ek' lo temps...La tro fé a moin plaizir discit' ek' mon daron cet après-midi...Not 2 la ri en même temps...Lo band' boug' té un peu géné.....Touzour ek' son band' ti poul' ek' son band' canard dan la cour..mon vié i changera jamé..Li la rézon
...Té ti boug' change pas ditou...Rest' kom' ou lé...
Quand moin té ti , dimanch' matin moin té rappel quand li té sort la mess..fallait met' l'eau au fé bonheur, koma nou té gain' tié poul ek canard pou met o fé...l'avai la fimé té sort' la kizine en tole de mon mémé...Marmité lé té en train choffé si bou bois...Mon momam té gagn" la fimé dan son visaze..lé té gallair...12h30¡3h00 nou té pass' a table...A la la...I fé pi tro z'affair koma maintenant la Réunion...Sak'' génération son band' valer...C'est ek' un z'affair komma ké moin la grandi...Voir mon vié ek mon moma lev' bohneur tou lé matin pou allé travail'...Et enkor' fallé pa ramèn' mauvaiz' not la case sinon mémé té cri si nou...Pourtant dan mon band' souvenir' z'histoir' kom' sa lé pa loin...Rescape ké zordi mi travail' ek z'affair comm Internet et tout lo band' bordel, mé ca cé pas mon band' valeurs ek' repairs...Pourtant zordi c'est bien sir' un z'affair kom' sa ké mi tap' pou fé mon blog'...Allé di partou...C'est mon travail' rescape mé mon band' valeurs avant tout c'est lo band' valeurs et l'amour ke mon ban' parent la donne a moi...Moin lé seul a soir pou Noël mé la pas grav'...L'essentiél cé ké la famill' y va bien malgré la distance...
Moin la appel billé la "Requiem for a dream" parc' ké kek' part lé un pé vrai...Ek' lo band' problème y arriv' ces temps-ci en France, au moin une nuit moin l'aur a fé lo ti rêv d'être ché moin si mon à ®le à  coté mon ti famill'...C'est ca lo pli z'importan...C'est là  lo vrai kado dan la vie, être ek' la famill' par la pensée malgré tout ca ki pé arriv a ou...A soir moin lé un peu rêveur lé vrai, mai mi préfèr êtr' rêveur un soir ké pas di tou...Lé touzour' bizarr', a chaque fois mi rent' la bas moin nana l'impression ki fé zist' 2 3 jours ke moin la parti...C'est ca la magie de l'à ®le de la Réunio, un zoli rêv', un rêv' dans lo fon mon coeur tous lé zour ke Dié i fé pou moin...un zoli requiem for a dream of 974..
.Ces temps-ci mi écout' bocou la misik film la...Li lé trop bien, i donn' beaucoup l'espoir dans lo fon mon ti coeur...Même si l'histoire lo film est centré si la drogue, kek' part cé do moun' ki rêv...moin maintenant mi konné lo rêv ké mi fé....Misik la i entrain' a moin loin parfois dan mon band' souvenir la Réunion kan mi écout a li...Tout ca ke moin la connu la bas...Et ke min met' en pratique tou lé zour'...Nostalgique lé vré mais c 'est a ki donn' a moin la force bataill'...pas lo badn' diplom' que moin la gagné dans ma vie ou mi conna koi...
A tous mi souhait' a zot' un... zoyé Noel...
Mise à  jour du billet 25/12/08:..sinon hier soir l'avé Albator si France 3 ziska 5h00 matin...Té gaillard !!!